Ямал: Мен Мессиге ұқсауға тырыспаймын

Ламин Ямалға көптен бері «жаңа Лионель Месси» атағы тағылған. Алайда 18 жастағы футболшы «Барселона» аңызын қайталауға ұмтылмайтынын айтты.

«Мен Лионель Мессиді барлық уақыттағы ең үздік футболшы деп санаймын, бірақ ол да менің жақсы ойыншы екенімді біледі. Егер біз бір-бірімізге қарсы ойнасақ, өзара құрмет болатыны анық.

Ол менің оған ұқсауға не болмаса оның 10-нөмірлі формасын тағуға тырыспайтынымды біледі. Мен өз жолымды қалыптастырғым келеді», - деді Ямал CBS-ке берген сұхбатында.

Ла Лига соңғы тур нәтижелері бойынша «Барселона» Испания чемпионатының турнир кестесінде бірінші орынға көтеріліп, «Реалды» артта қалдырды. 2 желтоқсан, сейсенбі күні Ханс-Дитер Фликтің командасы «Атлетиконы» қабылдайды.