«Ювентус» шабуылшысы Душан Влахович А сериясының 13-турында «Кальяриға» қарсы ойында алған жарақатына байланысты ұзақ уақытқа саптан шығуы мүмкін. Аталған матчта туриндік команда 2:1 есебімен жеңіске жеткен болатын.
Сербиялық футболшы бірінші таймда-ақ сол аяғында қатты ауырсыну сезінгендіктен алаңды тастап кетуге мәжбүр болды. Бүгін клуб тарапынан жарияланған медициналық қорытындыға сәйкес, Влаховичтің ұзын қосқұшты бұлшық еттерінің сіңір-жапсар аймағында ауыр жарақат анықталды.
БАҚ мәліметтеріне сәйкес, мұндай жарақаттардан сауығу үш айдан бес айға дейін созылуы мүмкін. Нақты мерзімдер қосымша медициналық тексерулерден кейін белгілі болады.
Ctrl
Enter
Қате таптыңыз ба?
Сөйлемді бөліп, Ctrl+Enter басыңыз 
