Франциялық қақпашы Майк Менян – әлемнің үздік қақпашысы

ПСЖ, "Интер" (Милан) және Франция құрамасының бұрынғы футболшысы Стефан Далма Майк Менянды әлемнің ең үздік қақпашысы деп атады. "Мен үшін Менян — әлемдегі ең үздік қақпашы және ол жан-жақты қолдауға лайық.

"Милан" оны сақтау үшін барлық шараларды қолдануы керек, алайда оның орнында болсам, "Барселона" немесе "Бавария" деңгейіндегі клубтарға ауысуға тырысып көрер едім", – деді бұрынғы футболшы pianetamilan.it сайтына берген сұхбатында. Еске сала кетейік, француз қақпашысы 2021 жылдан бері "Милан" сапында ойнап келеді және команда құрамында Италия чемпионы атанған.

Қазіргі уақытта "Милан" Италияның А сериясы турнир кестесінде тағы да көш бастап тұр.