Серхио Рамос мансабын Еуропада жалғастырады

Францияның ПСЖ және Испанияның "Реал" клубтарында ойнаған бұрынғы қорғаушы Серхио Рамос Мексиканың "Монтеррей" командасынан кетті. Белгілі инсайдер Фабрицио Романо әлеуметтік желілерде берген мәліметіне сәйкес, 39 жастағы испандық футболшы Еуропаға қайтуды нақты мақсат етіп қойған.

Тәжірибелі футболшы алдағы жазда Солтүстік Америкада өтетін Әлем чемпионатында Испания құрамасында ойнауды армандауда. Бұған дейін баспасөзде Рамостың Италияның А Сериясындағы "Интер" клубына ауысуы мүмкін екендігі туралы хабарланған еді.

Қорғаушының Еуропадағы соңғы клубы "Севилья" болған. Испания құрамасы қатарында Рамос 180 ойынға шығып, 23 гол соққан.