Андреас Кристенсенге АПЛ қызығушылық танытуда

Андреас Кристенсеннің болашағына қатысты әлі нақты шешім жоқ. Даниялық қорғаушының "Барселонамен" қолданыстағы келісімі маусымның соңына дейін жасалған.

FIFA ережелеріне сәйкес, екі аптадан кейін Кристенсен басқа елдердің клубтарымен еркін келіссөз жүргізіп, тіпті алдын ала келісімшартқа қол қоюы да мүмкін. AS басылымының хабарлауынша, "Барселона" Кристенсеннің кәсіби шеберлігін жоғары бағалайды, бірақ оған жаңа келісімшарт ұсынуға асығар емес.

Каталониялықтардың белсенділік танытпауы басқа клубтарға мүмкіндік ашуда. Атап айтқанда, футболшының Англияға қайта оралу ықтималдығы бар: "Ньюкасл" оны біраз уақыттан бері бақылап келеді.

Дерекке сәйкес, 29 жастағы Кристенсенді Сауд Арабиясы қаржылық мүмкіндігі жоғары клубтары да өз қатарларына қосуды көздеуі мүмкін.