«Реал» Рюдигер мен Карвахаль бойынша шешімді кейін қабылдайды

Мадридтің «Реал» клубы қорғаушылар Антонио Рюдигер мен Даниэль Карвахальдың болашағына қатысты әзірге түпкілікті шешім қабылдаған жоқ. Бұл туралы euro-football.ru хабарлайдыхабарлайды.

Екі футболшының да қолданыстағы келісімшарты алты айдан кейін аяқталады, алайда қазірше оны ұзарту бойынша келіссөздер жүргізілмей отыр. Журналист Марио Кортегананың мәліметінше, клуб әрі қарайғы ынтымақтастық мәселесін кейінірек шешеді — шешімге ойыншылардың ойын деңгейі мен денсаулық жағдайы едәуір әсер етеді.

Рюдигер наурызда 33 жасқа толады, ал Карвахаль қаңтарда 34 жасын қарсы алады.

«Қаймақтылардың» келесі ойыны 4 қаңтар күні «Бетиске» қарсы өтеді.