Левандовски кетуі мүмкін, үміткер клубтар белгілі болды

«Барселона» шабуылшысы Роберт Левандовски маусым аяқталғаннан кейін команданы тастап кетуі мүмкін. Бұл туралы euro-football.ruхабарлайды.

Поляк футболшысының қолданыстағы келісімшарты жарты жылдан кейін аяқталады, әзірге оны ұзарту бойынша келіссөздер басталған жоқ. Бұған дейін 37 жастағы форвардқа АҚШ-тың «Чикаго Файр» клубы елеулі қызығушылық танытып отырғаны, команда өкілдері ойыншының агентімен кездесіп үлгергені туралы хабарлар тараған еді.

Sky Sports мәліметінше, Түркияның «Фенербахче» клубы да бәсекеден шығып қалған жоқ. Сондай-ақ Левандовскиге Сауд Арабиясы чемпионаты клубтары тарапынан да қызығушылық бар.

Левандовскидің өзі жақында берген сұхбатында келесі маусымда қайда ойнайтынын әзірге елестете алмайтынын айтқан.