Витинья Globe Soccer Awards-та жылдың үздік жартылай қорғаушысы атанды

ПСЖ және Португалия құрамасының футболшысы Витинья Globe Soccer Awards нұсқасы бойынша жылдың үздік жартылай қорғаушысы жүлдесін жеңіп алды. Бұл туралы euro-football.ruхабарлайды.

Беделді марапаттау рәсімі Дубайда өтіп жатыр. 2025 жылдың ең мықты хавбегі ретінде танылған Витинья әлем футболының бірқатар жұлдыздарын артта қалдырды.

Жүлдеге үміткерлер қатарында «Реал» жартылай қорғаушысы Джуд Беллингем, ПСЖ-дан Жоау Невеш, «Челси» өкілі Коул Палмер және «Барселона» футболшысы Педри де болды.

Globe Soccer Awards жүлдесі жыл бойы клубтық және халықаралық аренадағы ойынымен ерекшеленген футболшыларды марапаттайды.