Сауд Арабиясы чемпионатының 12-туры аясында сенсацияға жақын нәтиже тіркелді. Көшбасшы «Әл-Наср» маусым барысында алғаш рет жеңіске жете алмады. Роналду бастаған қонақтар «Әл-Иттифаққа» қарсы сырт алаңдағы ойында 2:2 есебімен тең нәтижеге қанағат етуге мәжбүр болды.
Кездесуде алаң иелері сапында бұрын «Ливерпульдегі» ойынымен жанкүйерлерге жақсы таныс Жоржиньо Вейналдум нағыз көшбасшыға айналды. Ол бірінші таймда есеп ашып, екінші таймда тағы бір мәрте қарсылас қақпасын дәл көздеп, командасын жеңілістен құтқарды.
Қонақтар тарапынан Жоау Феликс пен команда капитаны Криштиану Роналду таблода өз есімдерін жаздырды. Әсіресе Роналдудың добы «Әл-Насрға» жеңіске деген үмітті қайта оятқан еді.
Алайда қосымша минуттарда шиеленісті жағдай орын алды. 90+3-минутта Кингсли Коман қауіпті мүмкіндік жасады, соған қарамастан ойын бойы айқын басымдыққа ие болған «Әл-Наср» шешуші соққы жасай алмады.
Соған қарамастан «Әл-Наср» турнир кестесінде 31 ұпаймен көшбасшылықты сақтап тұр. Дегенмен негізгі қарсылас «Әл-Хилал» кейінге қалған ойынын жеңсе, ұпай айырмасы екіге дейін қысқаруы мүмкін.
Кездесу нәтижесі:
«Әл-Иттифақ» – «Әл-Наср» 2:2
Голдар: Вейналдум (16, 80) – Феликс (47), Роналду (67)
“Zamin”-ді Telegram-нан оқыңыз!
