«Барселона» Тер Штегеннің кезекті жарақаты туралы мәлімдеме жасады

«Барселона» қақпашы Марк-Андре тер Штегеннің жаңа жарақаты туралы ресми түсініктеме берді. Бұл туралы euro-football.ru хабарлайды .

33 жастағы футболшы сейсенбі күнгі жаттығуда жарақат алды. Клуб мәліметінше, қақпашы команданың оқу-жаттығу жиыны өтіп жатқан орнынан кетіп, медициналық тексеруден өту үшін Барселонаға аттанды. Осы себепті ол Испания Суперкубогында алаңға шыға алмайды.

Клубтың баспасөз қызметінің мәлімдемесінде: «Тер Штеген Сауд Арабиясындағы «Барса» лагерінен кетеді — ол Барселонаға қайтып, медициналық тексеруден өтеді. Оның орнын екінші команданың қақпашысы Диего Кохен басады және ертең құрамға қосылады», — делінген.

Бүгін «көк-анар түстілер» Испания Суперкубогының жартылай финалында Бильбаоның «Атлетигіне» қарсы ойнайды.