Мадридтің «Реал» клубының қорғаушысы Даниэль Карвахаль командадан кетуі мүмкін. Бұл туралы euro-football.ru хабарлайды .
The Athletic журналисі Гильермо Райдың мәліметінше, 33 жастағы футболшы мансабының келесі кезеңі үшін Қатар, Сауд Арабиясы және АҚШ-тан түсіп жатқан нұсқаларды әлі де мұқият қарастырып жүр. Соған қарамастан, Карвахаль «Реалда» қалғысы келеді және жаңа келісімшарт бойынша келіссөздерді бастауға асықпайды. Клуб ішіндегі дереккөздер ойыншының болашағына қатысты шешім тек өзара келісім негізінде қабылданатынын атап өтеді.
Карвахаль — «Реалдың» түлегі. Ағымдағы маусымда ол барлық турнирде 8 матчқа қатысты, бірақ әзірге гол не ассистпен көзге түскен жоқ. Қазір қорғаушы қазан айының соңында алған тізе жарақатынан қалпына келіп жатыр.
“Zamin”-ді Telegram-нан оқыңыз!
