Арне Слот «Арсеналмен» тең ойыннан кейін мәселені ашты

«Ливерпульдің» бас бапкері Арне Слот команда бұл маусымда қайта-қайта тап болып жүрген мәселелер туралы тағы да пікір білдірді. Бұл туралы euro-football.ru хабарлайды .

Мерсисайдтықтар екінші таймда әлдеқайда белсендірек әрі сенімді ойнады, алайда «Арсеналдың» тәртіпті қорғанысын бұза алмады. Турдың орталық кездесуі 0:0 есебімен аяқталды.

«Мен мұны көп рет айттым: белгілі бір стильдегі қарсыластарға қарсы өте жақсы ойнаймыз, бірақ басқа стильдерге қарсы үнемі қиындыққа тап боламыз. Бүгін де соны көрдіңіз: ұзақ уақыт доп бізде болды, бірақ «Арсеналдың» төмен блогын бұзып, нақты голдық мүмкіндік жасай алмадық. Жұмыс істеуіміз керек тұс — осы. Кестеде «Арсеналдан» қалып қоюымыздың себебі де сонда», — деп Слоттың сөзін BBC келтірді.

«Ливерпуль» 35 ұпаймен турнир кестесінде төртінші орында келеді. «Арсенал» 49 ұпаймен әлі де көш бастап тұр.