Рафинья «Барселона» тарихындағы ең нәтижелі 50 ойыншының қатарына кірді

Бразилиялық шабуылшы Рафинья Испания Суперкубогының жартылай финалында «Атлетик» қақпасына екі гол соғып, «Барселонаның» 5:0 есебімен ірі жеңісіне үлкен үлес қосты. Бұл туралы euro-football.ru хабарлайды .

Бұл дубль Рафиньяға клуб тарихындағы ең көп гол соққан 50 футболшының тізіміне енуге мүмкіндік берді: оның «Барселона» сапындағы голдары 63-ке жетті. Рейтинг көшбасшысы дәстүрлі түрде Лионель Месси болып қала береді — 672 гол.

Команданың қазіргі үздік сұрмергені Роберт Левандовски 110 голмен 16-орында келеді. Ламин Ямал әзірге 34 голмен 91-сатыда, Педри 28 голмен 102-орында көрсетілген. Фермин Лопес 27 голмен 104-орынға жайғасқан.