ПСЖ бас бапкері Луис Энрике өз болашағына қатысты тараған даулы хабарларға пікір білдірді. Бұған дейін испаниялық маман француз грандтың жаңа келісімшарт ұсынысын қабылдамағаны туралы ақпарат шыққан еді. Бұл туралы euro-football.ru хабарлайды .
Энрике бұл әңгімелерді ПСЖ айналасында үнемі жүретін кезекті қауесет, тіпті көптеген жалған жаңалықтар деп бағалады. Оның айтуынша, мұндай хабарлар ойыншылар мен команда ішіндегі ахуалды бұзуға бағытталғанымен, оған қол жеткізу мүмкін емес. Бапкер келіссөздердің болуы — табиғи құбылыс екенін, алайда мұндай үдерістер әрдайым жабық өтетінін атап өтті. Бұл пікірлерді журналист Фабрицио Романо әлеуметтік желілерде келтірді.
Қазіргі келісімшарт Луис Энрикені ПСЖ-мен 2026/2027 маусымының соңына дейін байланыстырады. Испаниялық бапкердің жетекшілігімен париждіктер 10 жүлде жеңіп алды.
“Zamin”-ді Telegram-нан оқыңыз!
