Рафинья Флик болмаса «Барселонадан» кететінін айтты

«Барселона» вингері Рафинья Диас соңғы жетістіктері туралы айта отырып, бас бапкер Ханс-Дитер Фликтің рөлін ерекше атап өтті. Бұл туралы euro-football.ru хабарлайды .

Бразилиялық футболшы Испания Суперкубогының финалында мадридтік «Реалға» қарсы ойында дубль жасап, кездесудің қаһарманы атанды. Ойын 3:2 есебімен аяқталды.

«Егер Флик болмағанда, мен әлдеқашан “Барсадан” кетіп қалар едім. Ол бәрін өзгертті. Ол мені команда үшін маңызды ойыншы ретінде көретінін айтты. Әрбір футболшыға дәл осындай сенім керек», — деп 29 жастағы шабуылшы футболшының сөзін Barca Universal дерегіне сүйенген “Газета.Ru” келтіреді.

Флик 2024 жылдың жазында «көк-анар түстілердің» тізгінін қолға алып, Хави Эрнандестің орнын басқан еді. Сол кезде Рафиньяның клубтан кетуі мүмкін екені туралы да қызу әңгіме тараған.