ПСЖ жартылай қорғаушысы Фабиан Руис жалақысы өсірілген келісімшарт алады

«Пари Сен-Жермен» жартылай қорғаушысы Фабиан Руис клубпен келісімшартын жақын уақытта ұзартуы күтілуде. Бұл туралы euro-football.ru хабарлайды .

Бұған дейін түрлі дереккөздер тараптардың келісімге өте жақын екенін хабарлаған болатын. Бұл ақпаратты журналист Фабрис Хокинс те растап, жаңа келісім аясында испаниялық футболшының жалақысы өсетінін атап өтті. Күтпеген жағдай болмаса, келісім жақын арада аяқталады.

29 жастағы Руис 2022 жылдың тамызынан бері ПСЖ сапында ойнап келеді. Оның қолданыстағы келісімшарты 2027 жылдың ортасына дейін есептелген. Ағымдағы маусымда Луис Энрике командасында 22 матч өткізіп, 2 гол соғып, 3 нәтижелі пас берді.