«Ман Сити» жартылай қорғаушысы Бернарду Силва осы маусым аяқталғаннан кейін клубын ауыстыруға дайындалып жатыр. «Қалалықтардың» капитаны жазда еркін агент атанады, себебі оның қазіргі келісімшарты ұзартылмайтын болды. Бұл туралы Euro-football.ru хабарлайды.
Қазіргі таңда 31 жастағы футболшыға «Ювентус», «Барселона», «Бенфика» және «Галатасарай» сияқты клубтар үлкен қызығушылық танытуда. «La Gazzetta dello Sport» басылымының мәліметінше, португалиялық хавбектің өзі мансабын Турин немесе Каталонияда жалғастыру нұсқаларын жөн көріп отыр.
«Барселона» көптен бері Бернарду Силваны өз қатарына қосуды көздеп келсе, «Ювентус» бұл таласқа жақында ғана қосылды. Дереккөздің атап өтуінше, Турин клубының өкілдері футболшының агенті Жорже Мендешпен тұрақты байланыста отыр.
“Zamin”-ді Telegram-нан оқыңыз!
