«Интер» клубы «Парманы» жеңіп, чемпион атанды

«Интер» клубы 2025-2026 жылғы маусымда А Серияның чемпионы деп ресми жарияланды. Команда «Сан-Сиро» стадионында «Парма» клубын 2:0 есебімен сенімді түрде жеңді.

Бұл туралы Goal.com хабарлады.

Кездесудегі голдардың авторы Маркус Тюрам мен «Манчестер Юнайтедтің» бұрынғы жұлдызы Генрих Мхитарян атанды. Осы жеңістің арқасында миландықтар өз тарихында 21-рет Скудетто иегері атанды.

Команда чемпионаттың аяқталуына үш тур қалғанда басты қарсыластары «Наполи» мен «Милан» клубтарын басып озды. Бұл тарихи нәтиже Миланда үлкен мерекелік шаралардың басталуына түрткі болды.