Manchester City жартылай қорғаушысы Родри Англия Премьер-лигасындағы чемпиондық жарыста психологиялық қысымды арттыруда. Испаниялық футболшы Arsenal командасын соңғы кезең әрқашан ең қиыны болатыны туралы ескертті. Микель Артета шәкірттері турнир кестесінде көш бастап тұрса да, Родри 22 жылдық үзілістен кейін чемпиондықты жеңіп алу қысымы «канонирлердің» қателік жіберуіне себеп болуы мүмкін деп санайды. Бұл туралы Goal.com хабарлайды .
FA Кубогының финалында Chelsea командасын жеңгеннен кейін, Родри назарын толығымен ішкі чемпионатқа аударды. Ballon d’Or иегері Arsenal үшін чемпиондықты ресімдеу сырттан көрінгеннен гөрі әлдеқайда күрделі міндет екенін атап өтті. Оның айтуынша, Manchester City өз тәжірибесіне сүйене отырып, соңғы минуттарға дейін күресу керектігін жақсы біледі.
Родри 2022 жылғы маусымдағы Aston Villa-мен болған драмалық ойынды еске алып, футболда кез келген нәрсе болуы мүмкін екенін қосты. Сол ойында Manchester City чемпиондықты уысынан шығарып ала жаздап, соңында жеңісті жұлып алған еді. Қазіргі жағдайда Пеп Гвардиола шәкірттері Arsenal ұпай жоғалтуын күтуге мәжбүр.
Англия Премьер-лигасындағы шиеленіс шарықтау шегіне жетті. Arsenal өз ойындарын сәтті аяқтауға тырысса, Manchester City әр мүмкіндікті пайдаланып, қысымды сақтап қалуды көздеп отыр. Чемпиондық тағдыры маусымның соңғы турларында шешіледі деп күтілуде.
“Zamin”-ді Telegram-нан оқыңыз!
