«Атлетико» Альварес дауына қатысты «Барселонаға» қатаң жауап берді

«Атлетико» Мадрид баспасөз қызметі Хулиан Альварестің «Барселонаға» ықтимал ауысуы туралы хабарламаларға ерекше стильде жауап берді. Мадридтік клуб әлеуметтік желілерде әзіл-қалжың пост жариялап, каталондықтарды троллинг жасады.

Клуб Ламин Ямаль, Педри және Рафиньяны «Атлетико» жейдесінде бейнелеп, инсайдер Фабрицио Романо танымал еткен «Here we go» тіркесін қолданды. Постта «Атлетико» «Барселонаға» осы ойыншылар үшін ұсыныс жібергені айтылды. Ал ұсыныс қасақана мысқылмен — «Bad Bunny» концертіне 4 билет, ABC үшін жылдық төлем және шемішке ретінде сипатталды.

Алайда бұл әзілден кейін «Атлетико» маңызды мәлімдеме де жасады. Мадридтіктер соңғы айларда өз ойыншыларының біріне қатысты қысым, жалған ақпарат, құрметсіздік және түрлі өтіріктер таратылып жатқанын атап өтті. Клуб әсіресе маңызды ойындар алдындағы түрлі қоңыраулар мен ақпараттық қысымды сынға алды.

Мәлімдемеде «Атлетико» мұндай әдіспен жұмыс істемейтінін, футболшылар айналасында жасанды қысым тудыруды дұрыс деп санамайтынын білдірді. Сонымен қатар, клуб «төрешілер басшылығындағы адамды ақшаға жалдау» немесе «ойыншыларды тіркеу үшін саяси көмекті пайдалану» сияқты өткір сөздер арқылы «Барселонаға» қатысты ашық мысқыл жасады.

Хулиан Альварес төңірегіндегі трансферлік қауесеттер соңғы күндері айтарлықтай күшейді. «Барселона» аргентиналық шабуылшыны өз қатарына қосып алғысы келетіні туралы хабарлар тараған еді. Бірақ «Атлетиконың» бұл қадамы клубтың өз ойыншысын оңайлықпен жіберуге ниетті емес екенін және ақпараттық майданда да жауапсыз қалмайтынын көрсетті.

Қысқасы, «Атлетико» Хулиан Альварес трансфері туралы әңгімелер аясында «Барселонаға» әзіл аралас, бірақ өте қатаң жауап қайтарды. Мадридтіктер троллингпен бастап, маңызды мәлімдемемен аяқтады. Футбол алаңындағы бәсекелестік енді әлеуметтік желілерде де «қызыл аймаққа» енді.