Tesla компаниясының негізін қалаушы Илон Маск компанияның жаңа автономды роботы - Optimus-тың жауынгерлік жаттығуының бейнежазбасын әлеуметтік желідегі X парақшасында жариялады.
Бейнежазбада робот адаммен кунг-фу жаттығуына қатысып, қимылдарға синхронды түрде жауап беріп, соққы мен қорғаныс блоктарын үйлесімді түрде, биге ұқсас қимылдармен орындап жатқаны көрінеді.
Масктың айтуынша, робот өзіне орнатылған жасанды интеллект арқылы өздігінен әрекет етеді және адам басқаруынсыз жұмыс істейді. Ол сондай-ақ жылдамдығы мен қимыл-қозғалысының тегістігі айтарлықтай жақсарғанын хабарлады.
Tesla компаниясының жасанды интеллект бойынша вице-президенті Ашок Эллусвами компания Optimus роботтары мен автопилот жүйелі электромобильдер үшін бірыңғай AI платформасын жасау бойынша белсенді жұмыс істеп жатқанын айтты.
Ақпарат үшін, Tesla Optimus алғаш рет 2021 жылдың 19 авгусында таныстырылып, 2022 жылы жұмысшы прототипі көрсетілді. Құрылғыны 2026 жылы көпшілікке сату жоспарлануда.
“Zamin”-ді Telegram-нан оқыңыз!
