Франция чемпионатининг 21-турида чемпионлик пойгасида етакчиликка даъвогарлик қилаётган «Ленс» ўз майдонида турнир жадвалида 6-ўринда бораётган «Ренн»ни қабул қилди. Бу ҳақда euro-football.ru хабар беради.
Учрашув мезбонлар учун омадсиз бошланди: 8-дақиқада Арно Норден жарима майдонига узатма берди, Эстебан Лепол эса вазиятдан унумли фойдаланиб, ҳисобни очди — 0:1. «Ленс» фақат 41-дақиқада мувозанатни тиклади: Рубен Агилардын пасидан сўнг Одсонн Эдуар аниқ зарба йўллади — 1:1.
Иккинчи бўлим стартида Флориан Товен Агилларга ассист берди ва ҳимоячи «Ленс»ни олдинга олиб чиқди — 2:1. Орадан кўп ўтмай, Агилар иккинчи сариқ карточкани олиб, майдонни тарк этди ва мезбонлар 10 кишига тушиб қолди.
Шунга қарамай, «Ленс» камчиликда ҳам устунликни мустаҳкамлади: 79-дақиқада қарши ҳужумда Аллан Сен-Максимен узоқ масофадан аниқ зарба билан ҳисобни йириклаштирди — 3:1.
Ушбу ғалабадан сўнг «Ленс» бир ўйин кўпроқ ўтказган ҳолда «ПСЖ»ни ортда қолдириб, турнир жадвалида вақтинча 1-ўринга кўтарилди. «Ренн» эса 6-поғонада қолди.
“Zamin”ни Telegram'да ўқинг!
