Ижтимоий тармоқларда The Athletic нашри тузган футбол тарихидаги 100 нафар энг кучли ўйинчи рейтинги фаол тарқалмоқда. Бу ҳақда euro-football.ru хабар беради.
Рўйхатнинг кучли ўнлигини Лионел Месси бошқарди. Унинг ортидан Диего Марадона ва Пеле жой олган. Кейинги ўринларда эса Йохан Кройф, Криштиану Роналду, Алфредо ди Стефано, Франц Беккенбауэр, Зинедин Зидан, Ференц Пушкаш ҳамда Мишель Платини қайд этилган.
Бундай рўйхатларни мутлақо холис тузиш қийин экани табиий. Reddit'даги футбол мухлислари рейтинг юзасидан қизғин баҳсга киришди, айримлар уч карра жаҳон чемпиони бўлган Пеленинг фақат 3-ўринда қолганидан норози бўлди.
Шунингдек, дарвозабонлар орасида афсонага айланган Лев Яшин ушбу рейтингда 18-поғонадан жой олди.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
