Аргентинанинг «Бока Хуниорс» клуби янги спорт директорини эълон қилди — бу лавозимни Марсело Делгадо эгаллади. У клуб президенти, «Барселона»нинг собиқ футболчиси Хуан Рикелме билан яқиндан ҳамкорлик қилади. Бу ҳақда euro-football.ru хабар беради.
«Бока Хуниорс» таркибни тез фурсатда кучайтиришга муҳтож, шу боис Делгадо ва Рикелме олдида трансфер бозорида муҳим вазифалар турибди.
Делгадо футболчилик фаолиятида ҳам салмоқли из қолдирган: у Аргентина терма жамоаси сафида 1995–2002 йилларда 18 ўйин ўтказган ва 1998 йилги жаҳон чемпионатида ҳам майдонга тушган.
2003 йилда эса Делгадо Либертадорес кубогининг энг яхши тўпурарига айланган — у бу кўрсаткич бўйича «Сантос» ҳужумчиси, бразилиялик Рикардо Оливейра билан бир хил натижа қайд этган.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
