Саудия Арабистонининг «Ал-Наср» клуби бош мураббий Жорже Жезуш билан ҳамкорликни давом эттириш ниятида. Манбаларга кўра, клуб раҳбарияти португалиялик мутахассисга 2027 йил ўрталаригача мўлжалланган янги келишув таклиф қилишга тайёр. Бу ҳақда euro-football.ru хабар беради.
Клуб ичида Жезушнинг ишидан мамнун экани ва уни кейинги мавсумда ҳам жамоа бошқарувида кўришни истаётгани таъкидланмоқда.
Аввалроқ Жезушнинг келажаги Криштиану Роналду қарорига боғланиши мумкинлиги ҳақида хабарлар тарқалган, гўё ҳужумчи ёзда кетадиган бўлса, мураббий ҳам клубни тарк этиши эҳтимоли бор эди. Бироқ Роналду яқинда жамоада қолиш ниятини билдирган.
Жезуш «Ал-Наср»ни ўтган йил июль ойида қабул қилиб олган. Ҳозирда жамоа чемпионат турнир жадвалида пешқадамлик қилмоқда.
“Zamin”ни Telegram'да ўқинг!
