«Ал-Ҳилол»нинг юлдузли янги футболчиси Карим Бензема жамоа машғулоти вақтида сон қисмидан жароҳат олди. Клуб матбуот хизмати бу ҳолатни расман маълум қилди. Бу ҳақда euro-football.ru хабар беради.
Француз ҳужумчисининг «Ал-Таавун»га қарши яқинлашиб келаётган учрашувда майдонга тушиши катта сўроқ остида. Бензема тез орада тиббий кўрикдан ўтади ва шундан кейин унинг тикланиш муддати аниқ бўлади.
Эслатиб ўтамиз, Бензема қишда «Ал-Иттиҳод»дан «Ал-Ҳилол»га ўтганди. У янги жамоаси сафида ҳозирча учта ўйинда қатнашиб, учта гол ва битта ассист қайд этишга улгурди.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
