Россия терма жамоаси дарвозабонлар мураббийи Виталий Кафанов Матвей Сафонов ва Никита Хайкиннинг муваффақиятларида россияликларга хос характер ва менталитет муҳим рол ўйнаётганини айтди. Бу ҳақда euro-football.ru хабар беради.
Хайкин тўп сураётган «Будё-Глимт» клуб тарихида илк бор Чемпионлар лигасининг 1/8 финалига йўл олди. Сафонов иштирок этаётган «ПСЖ» ҳам шу босқичда ўйнайди ва Франция чемпионатида пешқадамлик қилмоқда.
Мутахассис фикрича, бу ҳолат бежиз эмас: у «Матч ТВ»га берган изоҳида рус одами тарихан кимнидир қутқариш, жамоани асраб қолиш руҳида шаклланганини, бундай хусусият спортда энг аввало дарвозабонларга хослигини таъкидлади.
Кафанов шунингдек Австриянинг «Штурм» клубида ўйнаётган Даниил Худяковни ҳам алоҳида эътироф этди. Хайкин ҳақида эса у уни маҳаллий дарвозабонлар мактаби тарбиялаган футболчи сифатида кўришини билдирди.
“Zamin”ни Telegram'да ўқинг!
