Россия терма жамоасининг собиқ футболчиси Фёдор Кудряшов Георгий Жикиянинг Туркиядаги фаолияти ҳақида фикр билдирди. Бу ҳақда euro-football.ru хабар беради.
Мутахассис «Антальяспор» марказий ҳимоячиси атрофидаги вазиятни мунтазам кузатиб боришини айтди. Эслатиб ўтамиз, 32 ёшли футболчи сўнгги пайтларда ўйин амалиётисиз қолмоқда — агенти таъкидлашича, жамоа бош мураббийи Жикияни ҳозирча энг яхши жисмоний ҳолатда эмас, деб ҳисоблаяпти.
«Қачон ўйнади, қачон ўйнамади — ҳаммасини кузатаман. Жуда хоҳлайман, у имкони борича тезроқ асосий таркибга қайтсин. У билан боғландимми? Клубга ўтаётган пайтида гаплашганмиз, ҳозир эса йўқ», — дея Кудряшовнинг сўзларини Metaratings.ru келтиради.
Жикия «Антальяспор» сафида 2025 йил ёзидан буён тўп сурмоқда. Жорий мавсумда «Спартак»нинг собиқ футболчиси 13 учрашувда майдонга тушиб, 2 та гол урди.
“Zamin”ни Telegram'да ўқинг!
