2009 йил октябрида Қозоннинг «Рубин» клуби Чемпионлар лигасида кутилмаган натижа қайд этиб, «Камп Ноу»да «Барселона»ни 2:1 ҳисобида мағлуб этганди. Ўша жамоанинг собиқ ярим ҳимоячиси Кристиан Нобоа ўша учрашув ортидан берилган мукофот пуллари ҳақида гапирди. Бу ҳақда euro-football.ru хабар беради.
Нобоанинг сўзларига кўра, бу унинг фаолиятидаги энг йирик премиялар бўлган: ҳар бир футболчи 80 минг доллар олган. Бу ҳақда «Спорт-Экспресс» нашри иқтибос келтиради.
Эквадорлик футболчи ўша пулларни дарҳол харидлар учун ишлатмаганини, аксинча, жамғариб қўйганини таъкидлади. У ўша пайтдаёқ вазминроқ йигит бўлганини эслатди.
Эслатиб ўтамиз, 2009/2010 йилги Чемпионлар лигаси гуруҳ босқичида «Рубин» ўз квартетида учинчи ўринни эгаллаган. Гуруҳда «Барселона» ва «Интер» юқорироқ поғоналарда якунлаган, Киевнинг «Динамо»си эса қуйи ўринда қолган.
“Zamin”ни Telegram'да ўқинг!
