Niderlandiya terma jamoasi Litvani 4:0 hisobida mag'lub qilib, 2026-yilgi Jahon Chempionatiga rasman yo'llanma oldi. Ronald Kuman boshchiligidagi jamoa o'yinni to'liq nazorat qilib, ishonchli g'alabaga erishdi.
O'yin boshidanoq niderlandiyaliklar qanotlardan faol harakat qilib, raqib darvozasi oldida bosimni oshirdi. Birinchi gol mehmonlarning xatosidan so'ng kiritildi.
Reynders to'pni egallab, kuchli zarba bilan hisobni ochdi. Mezbonlar hujumlarini davom ettirgan holda ketma-ket xavfli vaziyatlar yaratdi.
Litva esa kamdan-kam hollarda maydon markazidan o'tib, asosan uzoq masofadan zarba berishga urindi. Ikkinchi bo'limda bosim yanada kuchaydi.
55-daqiqada Mallen raqib himoyachisining qo'liga tegib ketgan to‘p evaziga penalti ishladi. Gakpo jarima zarbasini aniq bajarib, hisobni 2:0 ga yetkazdi.
Oradan ko'p o'tmay, Simons markazga siljib, chap yuqori burchakka aniq zarba yo'lladi va 3:0 hisobini qayd etdi. Yakuniy golni Mallen jarima maydonchasidan tashqaridan kuchli zarba bilan kiritdi.
Niderlandiyaliklar oxirgi hushtakka qadar hujum qilishda davom etishdi. Emega ustunga zarba yo'lladi, Gakpo va Mallen esa yana bir necha xavfli vaziyatlar yaratdi, ammo hisob o'zgarmadi.
Litva esa birorta ham xavfli hujum uyushtira olmadi. Ushbu 4:0 hisobidagi g'alaba Niderlandiyani G guruhi yetakchisi sifatida Jahon Chempionatiga olib chiqdi.
Litva esa birorta ham g'alabasiz saralashni oxirgi o'rinda yakunladi. “Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing Mavzuga oid yangiliklar
Ma’lumot
Mehmon guruhidagi foydalanuvchilar ushbu nashrga izoh qoldira olmaydi.
Mehmon guruhidagi foydalanuvchilar ushbu nashrga izoh qoldira olmaydi.
