Krishtianu Ronaldu Portugaliyada qurilgan yangi, hashamatli uyiga ko‘chib o‘tishi mumkin. Mazkur ko‘chmas mulkning qurilishi yakunlandi va u 30 million yevrodan yuqori qiymatga baholanmoqda. Bu uy mamlakatdagi eng yirik va eng qimmat rezidensiyalardan biri bo‘lib, 48 kilometr uzoqlikda joylashgan qirg‘oq hududida turibdi. Unda portugaliyalik yulduzning 12 million funt sterlinglik superkarlar kolleksiyasi uchun alohida yer osti avtoparki ham mavjud.
Uyning qurilishi uch yildan ortiq vaqt davom etgan. Unga 8 ta yotoqxona, ulkan shisha basseyn, yer ostidan kuzatiladigan suv yo‘lagi, aqlli isitish tizimi, sport zali, yopiq va ochiq basseynlar, massaj xonasi va kinozal kabi barcha zamonaviy sharoitlar mavjud.
Ronaldu va uning oilasi uchun uyda har bir sharoit yaratilgan. 5 nafar farzandi uchun maxsus maydoncha, futbolchi va uning turmush o‘rtog‘i Jorjinya Rodrigez uchun shaxsiy plyaj ham mavjud. Intererda oltin kranlar, italyancha marmar va maxsus buyurtma asosida tayyorlangan Louis Vuitton freskasi ham borligi ma’lum qilingan.
Shuningdek, Ronaldu yangi uy yaqinidagi golf maydonini ham sotib olishga uringan, ammo taklif qabul qilinmagani haqida xabar berilgan.
Bu uy portugaliyalik futbolchining yangi hayot tarziga moslashgan va uning moliyaviy holatini, shuningdek, oilaviy hayotiga bo‘lgan diqqatni ko‘rsatadi.
“Zamin”ni Telegramʻda oʻqing!
