Metals Focus analitik markazi tomonidan taqdim etilgan dunyo bozorining yillik tahliliga ko‘ra, Qozog‘istonda 2025 yilga kelib kumush qazib olish hajmi 0,6 million unsiyaga kamayishi kutilmoqda. Qozog‘istondagi bu pasayish dunyo bo‘ylab ushbu qimmatbaho metall qazib olishda turli o‘zgarishlar kuzatilayotgani bilan izohlanmoqda.
Metals Focus ma’lumotlariga ko‘ra, 2025 yilda global ishlab chiqarish hajmi 813 million unsiya atrofida saqlanib qoladi. Chunki ayrim hududlardagi o‘sish boshqa hududlardagi pasayishni qoplaydi.
Eng katta o‘sish Meksika (+5,3 mln unsiya), Rossiya (+4,5 mln unsiya), Marokash (+3 mln unsiya) va Kanada (+1,5 mln unsiya) kabi mamlakatlarda kutilmoqda. Shuningdek, AQSh va Chilida ham oz miqdorda o‘sish prognoz qilinmoqda.
Biroq, Indoneziya (–5,7 mln unsiya), Peru (–5,1 mln unsiya), Argentina (–2,9 mln unsiya) va Boliviya (–1,6 mln unsiya) kabi mamlakatlarda qazib olish sezilarli darajada kamayishi kutilmoqda. Avstraliyada ham pasayish kuzatiladi – 0,9 mln unsiya.
Analitiklarning ta’kidlashicha, Janubiy Amerika, Avstraliya va Indoneziyadagi qazib olish hajmining kamayishi Shimoliy Amerika va Rossiyadagi o‘sishni qoplaydi, natijada global hajm barqaror saqlanadi. “Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing Mavzuga oid yangiliklar
Ma’lumot
Mehmon guruhidagi foydalanuvchilar ushbu nashrga izoh qoldira olmaydi.
Mehmon guruhidagi foydalanuvchilar ushbu nashrga izoh qoldira olmaydi.
