Shaxmatchilar safida navbatdagi yangilanish: 3 tarkib rasman e’lon qilindi

O‘zbekiston erkaklar shaxmat terma jamoasida navbatdagi yangilanish amalga oshirildi. Sog‘lom raqobatni kuchaytirish, jamoa ichidagi ritmni ushlab turish va barqaror o‘sishni ta’minlash maqsadida milliy terma tarkibi belgilangan tartibga ko‘ra har to‘rt oyda qayta ko‘rib chiqiladi.

Aynan shu qoida asosida, yaqinlashayotgan xalqaro musobaqalarda mamlakatimiz sharafini himoya qiladigan O‘zbekiston erkaklar terma jamoasining yangilangan ro‘yxati e’lon qilindi. Yangilanish — bu “kimdir chetda qoldi” degani emas, bu — formasi yuqori bo‘lganlar uchun eshik ochiq, raqobat doim tirik degani.

Quyidagi tarkiblar taqdim etildi:

1-tarkib:

1. Abdusattorov Nodirbek — GM (2751)

2. Sindarov Javohir — GM (2726)

3. Yakubboyev Nodirbek — GM (2691)

4. Vohidov Shamsiddin — GM (2644)

5. Madaminov Muhiddin — GM (2567)

2-tarkib:

1. Abdusalimov Abdimaliк — GM (2560)

2. Vohidov Jahongir — GM (2516)

3. Nig‘matov Ortik — GM (2459)

4. Suyarov Mukhammadzohid — IM (2449)

5. Saydaliev Saidakbar — IM (2440)

3-tarkib:

1. Begmurotov Humoyun — IM (2429)

2. Bahrillaev Bakhrom — IM (2427)

3. Rahmatullaev Almas — IM (2394)

4. Sharipov Davron — FM (2381)

5. Omonov Asrorjon — IM (2353)

Endi esa gap amaliy sahnaga keladi: qaysi tarkib qay musobaqada qanday rol o‘ynaydi — buni tayyorgarlik va o‘yin amaliyoti hal qiladi. Bir narsa aniq: jamoa yangilanyapti, raqobat qizib turibdi, demak natija uchun “baza” bor. Shaxmatda har bir yurish hisob, bizda esa har bir tarkib — kelajakka qo‘yilgan yurish.

Shuhrat Razzakov

«ZAMIN.UZ» muharriri