Fransiyaning Anje shahrida o‘tgan WTA 125 Open Angers Loire Trélazé turnirining finalida Kamilla Rahimova nemis tennischisi Tamara Korpachni mag‘lubiyatga uchratdi. Ikki set davom etgan uchrashuv 6:3 va 7:6 hisoblari bilan yakunlandi.
O‘yin 2 soat 23 daqiqa davom etdi. Birinchi setda Rahimova ishonchli o‘yin namoyish etdi.
2:2 hisobida raqiblar bir-birining g‘alabasini qayd etishdi, ammo Rahimova 3:2 hisobida oldinga chiqib, keyinchalik breyk amalga oshirdi va 5:3 hisobini qayd etdi. O‘zining set ochkosini muvaffaqiyatli amalga oshirgan holda, Rahimova birinchi setni 6:3 hisobida yakunladi.
Ikkinchi set ancha murosasiz kechdi. Korpach setni o‘z xizmatidan boshladi, ammo Rahimova birinchi geymdayoq breyk amalga oshirdi.
Keyingi daqiqalarda raqiblar o‘z xizmatlarini himoya qilib, 1:1, 2:2, 3:3 kabi hisoblarni qayd etishdi. Keyinchalik Korpach breyk amalga oshirib, 5:3 hisobini oldinga chiqdi.
Rahimova o‘yinga qaytib, hisobni 5:5 ko‘rinishiga olib keldi va yana bir bor raqibning xizmatini yutib, 6:5 hisobida oldinga chiqdi. Korpach hisobni tenglashtirib, setni tay-breykka olib bordi.
Hal qiluvchi daqiqalarda Rahimova sovuqqonlik bilan o‘ynab, tay-breykda g‘alaba qozondi va ikkinchi setni 7:6 hisobida yakunladi. Avvalroq, yarim finalda Rahimova ikkinchi raqam ostida qatnashgan xorvatiyalik Antonyo Rujichni qattiq kurashda mag‘lub etdi — 4:6, 6:3, 7:5.
Ushbu o‘yin 3 soat 9 daqiqa davom etdi. Noyabr oyining oxirlarida ma’lum bo‘ldiki, Rahimova sport fuqaroligini o‘zgartirib, Rossiya o‘rniga O‘zbekistonni vakillik qiladi.
Ammo o‘yin protokolida uning ismi yonida O‘zbekiston bayrog‘i ko‘rsatilmagan. Open Angers Loire Trélazé turniri qattiq qoplamali kortlarda o‘tkazilib, WTA 125 seriyasiga kiradi.
Mehmon guruhidagi foydalanuvchilar ushbu nashrga izoh qoldira olmaydi.
