Joriy yilning 22 yanvar kuni AQSH Immigratsiya va bojxona nazorati (ICE) xodimi Minnesota shtatida 2 yoshli qizchani otasi bilan hibsga oldi. ICE ota va qizni sud qilish uchun Texasga olib ketgan. Bu haqda “The Guardian” xabar qildi. Ushbu voqea AQSHdagi immigratsiya tartibotlari atrofidagi bahslarni yanada kuchaytirdi va jamoatchilikda keskin munosabat (reaksiya) uyg‘otdi.
Qayd etilishicha, sud hujjatlarida Elvis Joel Te deb ko‘rsatilgan ota va uning qizi 22 yanvar kuni soat 13:00 atrofida do‘kondan uyga qaytayotganlarida ofitserlar tomonidan to‘xtatilib, hibsga olingan. Bu holatda ota va bola oddiy yo‘lda, kundalik harakat paytida to‘xtatilgani ta’kidlanmoqda. O‘sha kuni kechqurun federal sudya qizchani soat 21:30 ga qadar qo‘yib yuborishni buyurgan. Biroq federal amaldorlar sud qaroriga bo‘ysunmay, buning o‘rniga ota va bolani Texas shtatidagi qamoqxonaga yuborgan. Ya’ni sud buyrug‘i bajarilmagani (ijro etilmagani) vaziyatni yanada bahsli qilib qo‘ygan.
Kecha, 23 yanvar kuni tushdan keyin immigratsiya rasmiylari ikkalasini ham Minnesota shtatiga qaytarib olib borgan. Oilaning advokatlari ikki yoshli bolani onasining qaramog‘iga qaytarib bergan. Qizaloqning otasi esa Minnesota shtatida hibsda qolgan. Demak, bola onasiga topshirilgan bo‘lsa-da, ota bo‘yicha masala ochiq qolgan.
“Zamin”ni Telegramʻda oʻqing!
