21:50 / 25.11.2015
6 260

Bryuggedagi Evropa Ligasi o‘yini teraktlar xavfi tufayli tomoshabinlarsiz o‘tadi

Bryuggedagi Evropa Ligasi o‘yini teraktlar xavfi tufayli tomoshabinlarsiz o‘tadi

Belgiyaning Bryugge shahri meri Evropa Ligasi doirasidagi «Bryugge» va «Napoli» (Italiya) o‘rtasidagi o‘yinga tomoshabinlarni qo‘yishni man etdi. U o‘z qarorini shahar muxlislar xavfsizligini ta’minlay olmasligi bilan izohladi. 26 noyabr, payshanba kungi o‘yin bo‘sh tribunalar qarshisida o‘tadi, deya xabar berdi Meduza.

«Bizda ikki ssenariyni ko‘rib chiqayotgandik. Birinchisi— stadionga mehmon jamoa ishqibozlarini qo‘ymaslik va ikkinchisi — bo‘sh tribunalar qarshisida o‘yin o‘tkazish. Biz ikkinchi ssenariy tanlanganidan afsusdamiz, buni kutmagandik», — deya ta’kidlagan «Bryugge» menejeri Vensan Manner.

Parijdagi teraktlardan so‘ng Belgiya poytaxti Bryusselda terrorchilik xavfining eng yuqori darajasi joriy etilgandi: Fransiya poytaxtiga hujum uyushtirilgunga qadar bir necha nafar terrorchi Belgiyada yashaganligi ma’lum. 17 noyabr kuni Belgiya futbol assosiasiyasi Bryusselda o‘tishi lozim bo‘lgan Belgiya va Ispaniya o‘rtasidagi o‘yinni bekor qildi.


Manba: Daryo.uz


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Dunyo » Bryuggedagi Evropa Ligasi o‘yini teraktlar xavfi tufayli tomoshabinlarsiz o‘tadi
[/banner_pushhouse