Dubay shokoladi pista narxini keskin oshirdi

Financial Times nashri xabar berishicha, Dubay shokoladiga bo‘lgan global talab keskin oshgani tufayli butun dunyoda pista tanqisligi yuzaga kelgan va uning narxi sezilarli darajada oshgan. Bir yil oldin 1 funt pista yadrosi 7,65 dollar bo‘lgan bo‘lsa, hozirda u taxminan 10,30 dollarga yetgan (130 000 so‘mdan 175 000 so‘mgacha).

CG Hacking kompaniyasining vakili Jayls Hakingning aytishicha, “pista bozori hozirda deyarli qurib qolgan”. AQShda o‘tgan yilgi hosil muvaffaqiyatsiz bo‘lgan va bu mamlakat pista eksportida muhim pasayishlarga sabab bo‘lgan.

AQShda yetishtirilgan pistalar odatda yuqori sifatli bo‘lganligi bois, shokolad sanoatida ishlatiladigan arzon yadrolar kam ishlab chiqarilgan. Aynan shu vaqtda bozorda "Dubai Chocolate" nomli mahsulot paydo bo‘lib, shokolatchilar barcha mavjud pistalarni sotib olishga kirishgan, bu esa global ta’minotda keskin kamayish keltirib chiqargan.

Eron Bojxona xizmati ma’lumotlariga ko‘ra, 2025 yil martgacha bo‘lgan 6 oy ichida Erondan BAAga pista eksporti 40 foizga oshgan. Bu holat 2023 yildagi holatdan keskin farqlanadi, o‘shanda pista ortiqcha bo‘lib, narxlar arzonlashgan edi. “Zamin”ni Telegramʻda oʻqing!