Shomurodovning goli "Roma"ga "Verona" ustidan g‘alaba keltirdi (video)

Italiya A Seriyasi 33-tur doirasidagi "Roma" — "Verona" o‘yini bo‘lib o‘tdi.
Mezbonlarning o‘zbekistonlik hujumchisi Eldor Shomurodov o‘yinni asosiy tarkibda boshladi (82-daqiqada almashtirildi) va 4-daqiqadayoq hisobni ochdi. Eldor Shomurodov Sulening ajoyib uzatmasidan so‘ng raqib darvozasini ishg‘ol qildi.

Hamyurtimizning ushbu goli o‘yinda yagonaligini saqlab qoldi va Rim klubiga 3 ochkoni taqdim etdi. "Roma" ushbu g‘alabadan so‘ng vaqtinchalik beshinchi o‘ringa ko‘tarilib oldi.