Mirzabek Xolmedov qizining to‘yida qalblarni to‘ldirgan lahzalar (video)

O‘zbekistonning sevimli so‘z ustasi, xalq artistlaridan biri Mirzabek Xolmedov qizini turmushga uzatdi. Ijtimoiy tarmoqlarda keng muhokamaga sabab bo‘lgan video lavhalarda kelinning musiqa sadolari ostida otasiga kelin salom qilib, uning duo va nasihatlarini olgani aks etgan.

To‘y marosimida Mirzabek aka qiziga samimiy so‘zlar aytdi: “Boqqanimizga rozimiz, siz Nuriddinjonning omonatisiz, omonatga xiyonat qilmang, Allohu Аkbar!”, – deb, o‘z qizi va yangi oilasi uchun ezgu tilaklar yo‘lladi.

Video lavhalarda kelin o‘zining milliy libosida otasiga salom qilgan, undan keyin ular o‘rtasida samimiy suhbat va duo bo‘lgani ko‘rinadi. Bu lahzalar nafaqat oila a’zolari, balki to‘yga yig‘ilganlar uchun ham ta’sirli bo‘ldi.

Bunday odatlar va ota-nasihati o‘zbek ma’naviyatida, oiladagi muhabbat va mehr-oqibat timsolidir. Mirzabek Xolmedovning qizini turmushga uzatish marosimi esa yana bir bor o‘zbek to‘ylari, ota-ona roziligi va duosining beqiyos ahamiyatini namoyon etdi. “Zamin”ni Telegramʻda oʻqing!