Xotirani yaxshilaydi, ruhiy charchoqni ketkazadi: tabiatda ko‘proq vaqt o‘tkazish uchun 10 ta sabab

^{Foto: Lifehacker}

Tabiat qo‘ynida bo‘lish harakatsiz turmush tarzi bilan bog‘liq ko‘plab kasalliklarning oldini oladi. Ochiq havoda vaqt o‘tkazishning salomatlikka ijobiy ta’sirlarini quyida bilib oling.

Qisqa muddatli xotirani yaxshilaydi

Olimlar tabiat qo‘ynida sayr qilish shaharda sayr qilishdan ko‘ra foydaliroq ekanini aniqlashdi. Ishtirokchilar qisqa xotira testidan o‘tdilar va keyin ikki guruhga bo‘lindi. Ba’zilar daraxtzor atrofida sayr qilishdi, boshqalari esa shahar ko‘chalarida. Qaytib kelgach, ishtirokchilar yana testdan o‘tishdi. Ma’lum bo‘lishicha, tabiat qo‘ynida sayr qilganlarning natijalari deyarli 20 foizga yaxshilangan. Ammo shahar bo‘ylab sayr qilish deyarli natijalarga ta’sir qilmadi.

Depressiya bilan og‘rigan bemorlarga piyoda yurishning ta’sirini o‘rgangan tadqiqotchilar xuddi shunday xulosaga kelishdi.

Stressni yengillashtiradi

O‘rmonda bo‘lganimizda, yurak urish tezligi va kortizol darajasi pasayadi, bu gormon stressning ko‘rsatkichi hisoblanadi. Yaponiyada hatto, stressni yo‘qotish uchun “o‘rmon vannalari” ham buyuriladi. Ofisda ishlaydiganlar uchun xonada tabiatga qaragan deraza bo‘lsa ham stress kamayadi.

Yallig‘lanishni kamaytiradi

Yallig‘lanish autoimmun va ichak kasalliklari, depressiya va saraton bilan bog‘liq. Olimlar o‘rmonda bo‘lgandan so‘ng, yosh va keksa odamlarda organizmdagi yallig‘lanish darajasi pasayganini aniqladilar.

Ruhiy charchoqni ketkazadi

Albatta, miya to‘xtab qolganda va siz hech narsaga e’tibor qarata olmaysiz. Bu holat ruhiy charchoq deb ataladi. Dam olish va normal holatga qaytish uchun tabiat qo‘ynida bo‘lish kerak. Tadqiqotlarga ko‘ra, odamlar tabiat tasvirlarini ko‘rganlarida ham o‘zlarini yaxshi his qilishadi.

Depressiya va xavotirga qarshi kurashda yordam beradi

O‘rmonda yurish tashvishlanish va kayfiyatning tushishini kamaytiradi, depressiyani davolashda qo‘shimcha rol o‘ynaydi. Bundan tashqari, yurish paytida suvga yaqin bo‘lsangiz, ijobiy ta’sir kuchayadi. Tabiatda sport bilan shug‘ullanish ham foydalidir. Bu kayfiyatni yaxshilaydi.

Ko‘zlar uchun foydali

Olimlar ochiq havoda dam olish bolalarda miyopiya xavfini kamaytirishini aniqladilar.

Tayvanlik tadqiqotchilar yaqin atrofdagi ikkita maktabni kuzatdilar, ularda miyopiyadan aziyat chekadigan bolalar soni taxminan bir xil edi. Ular bir maktab rahbariyatidan o‘quvchilar tanaffus vaqtida ko‘chada ko‘proq vaqt o‘tkazishlarini so‘rashdi. Bir yil o‘tgach, ushbu maktabda miyopiyaga chalingan bolalar ulushi 8,41 foiz, ikkinchisida esa 17,65 foizni tashkil etdi.

Konsentratsiyani yaxshilaydi

Bir tajribada tadqiqotchilar ishtirokchilarga diqqatni jamlagan holda zerikarli topshiriqlar berishdi. Keyin bir guruh ishtirokchilar tabiat qo‘ynida, ikkinchisi shaharda sayr qilishdi, uchinchisi esa hech qayoqqa bormasdan shunchaki dam olishdi. Biroz vaqt o‘tgach, barcha ishtirokchilar xatolarni topish va tuzatish vazifasini bajarishdi. Eng yaxshi natijalarni tabiat qo‘ynida sayr qilganlar ko‘rsatdi.

Yurish hatto, diqqat yetishmasligi giperaktivligi bo‘lgan bolalarga ham yordam beradi. Ular bog‘da 20 daqiqalik yurishdan so‘ng diqqatlarini osonroq yig‘a olishlari aniqlandi.

Ijodiy fikrlashga yordam beradi

Tasavvur qiling-a, nojo‘ya ta’sirlarsiz davolanish hamma uchun mavjud bo‘lib, u sizning ijodiy qobiliyatingizni ham oshiradi. Bularning barchasi tabiat qo‘ynida qolish imkonini beradi.

Tadqiqotlar shuni ko‘rsatadiki, tabiatda to‘rt kun vaqt o‘tkazganlar muammolarni hal qilishda ijodiy fikrlashni 50 foizga yaxshilaydi.

Qon bosimini pasaytiradi

Yaponiyalik tadqiqotchilar o‘rmonda sayr qilish nafaqat stress gormoni darajasini 15 foizga, balki qon bosimini ham tushirishini aniqladi.

Saraton kasalligining oldini olish bo‘lishi mumkin

Hali aniq dalillar bo‘lmasa-da, dastlabki dalillar tabiatda, ayniqsa, o‘rmonda bo‘lish saratonga qarshi oqsillarni ishlab chiqarishni rag‘batlantiradi.

Shuningdek, yaponiyalik olimlar o‘rmonlar ko‘p bo‘lgan hududlarda saraton kasalligidan o‘lim darajasi past ekanligini aniqladilar.