Motivatsiyani qanday qaytarish va foydali odatlarni yo‘qotmaslik haqida

Mashhur Zen Habits blogi muallifi o‘z o‘quvchilariga hayotidagi so‘nggi voqealar haqida so‘zlab berdi. Muhim bir ish ustida ishlay turib u bir necha bor, yengilganini tan olishga va barchasini to‘xtatishga tayyor edi. Blogger diqqatini bir joyga jamlay olmay qoladi va to‘g‘ri ovqatlanish ham izdan chiqa boshlaydi.

Shunda Leo bunday ortiq bo‘lmasligini, motivatsiyasini qaytarishi kerakligini tushundi. Natijada u o‘zi uchun samarali metodni o‘ylab topdi.

Kalit prinsipi

Metodning g‘oyasi kaliti quyidagicha:

Sizning kayfiyatingiz manzilga yetib ololasizmi yoki to‘g‘ri yo‘lga qaytasizmi shunga bog‘liq bo‘ladi.

Leo kishilar o‘z his-tuyg‘ulari sabab ko‘p yengilishlariga ishonchi komil

Biz biror ishni qandaydir safar, kasallik, oilaviy sharoitlar sabab to‘xtatib qo‘yamiz. Lekin uning yarim yo‘lda qolib ketishiga yuqoridagilardan ko‘ra, biz ular orqali his qiladigan tuyg‘ular sabab bo‘ladi.

O‘sha safar yoki kasallik sabab biz ruhan toliqamiz hamda bu charchash bizni rejalashtirgan ishimizni qilishdan mahrum qiladi. Kayfiyatimiz buziladi, barchasiga qo‘l silkib qo‘ya qolamiz.

Bundan tashqari boshqa yumushlar bilan band bo‘lganimizda foydali mashg‘ulotlardan ham voz kechamiz. Vaqtning yo‘qligi bilan o‘zimizni o‘qlaymiz.

Metod nimani mujassam qiladi

Mavjud muammolarni aniqlang va kalit savollar bering

Muammoni rad qilish orqali to‘g‘ri yo‘ldan adashasiz. Shunchaki, “Men o’zimni yomon his qilyapman. Charchadim va yengilishni istayman” deng. Shundan keyin o‘zingizdan haqiqatdan ham bu ishdan voz kechishni istaymanmi yoki yana boshidan boshlashga kuch topa olamanmi deb so‘rang

Bitta oddiy qadam tashlang

Agar sizda qandaydir sabab bo‘lsa, avvalgi biror ishni qilish haqida o‘ylang. Misol uchun avval siz meditatsiya bilan shug‘ullangansiz, biroq hozir yo‘q. 30 yoki 10 soniya ichida u bilan qaytashug‘ullana olasizmi? Sport bilan shug‘ullanishni tam tashlagan bo‘lsangiz 2 daqiqa biror mashq qiling. Bunday oddiy qadamlar yaxshi boshlanish bo‘ladi.

G‘alabalarga e’tibor qarating

Agar birinchi qadamni bajargan bo‘lsangiz, allaqachon maqsadga erishish yo‘lidasiz. O‘zingizni o‘zgartirishning uddasidan chiqyapsiz. Bu esa quvonarli holat. Har kun maqsadingizga yaqinlashtiradigan nimadir qiling. Masalan, har kun sport bilan shug‘ullanib bosimni orttirib boring.

Yana g‘ayrat bilan ishlashga qayting

Agar siz yuqoridagi tavsiyalarga amal qilsangiz, uzoq vaqtga yetadigan motivatsiyani tiklashingiz va sevimli mashg‘ulotingiz bilan shug‘ullanishga kuch topishingiz mumkin. Vaqt o‘tgani sayin kuchliroq bo‘lib borasiz. Ana o‘shanda omadsizlik yo‘lingizni to‘sa olmaydi.

Manba: Like It “Zamin” yangiliklarini “Odnoklassniki”da kuzatib boring