Toshkent shahar hokimligi matbuot xizmati xabar berishicha, drenaj quvurlarini yotqizish ishlari sababli Kichik halqa yo‘lining Farhod ko‘chasi bilan kesishmasida transport vositalari harakati vaqtincha cheklanadi. Bu chora-tadbir 4-oktyabr soat 22:00 dan 5-oktyabr soat 07:00 gacha amal qiladi.
Qurilish-ta’mirlash ishlari tirbandliklar va noqulayliklarni kamaytirish maqsadida transport vositalari harakatini to‘liq to‘xtatmagan holda, yo‘l qismlarini qisman yopish orqali olib boriladi. Shu bilan birga, haydovchilar va yo‘lovchilardan vaqtincha noqulayliklarni hisobga olishlari va boshqa yo‘llarni tanlashlari so‘raladi.
Hokimlik mas’ul xodimlari transport oqimini nazorat qilib, ishlar vaqtida xavfsizlik choralarini ta’minlaydi va yo‘llardagi harakatni iloji boricha silliq saqlashga harakat qiladi.
“Zamin”ni Telegramʻda oʻqing!
