O‘zbek oshxonasida muhim o‘rin egallaydigan baqlajon nafaqat mazali taomlarning asosiy mahsuloti, balki sog‘liq uchun ham foydali sabzavot hisoblanadi.
Baqlajon tarkibida S vitamini, magniy, kaliy va antioksidantlar ko‘p. Ular qon bosimini barqarorlashtirishga, yurak-qon tomir tizimini mustahkamlashga yordam beradi. Shuningdek, antioksidantlar organizmni zararli moddalardan himoya qiladi.
Parhezshunoslar ta’kidlashicha, baqlajon kam kaloriyali bo‘lgani uchun ortiqcha vazndan xalos bo‘lishda juda qo‘l keladi. U ichak faoliyatini yaxshilab, hazm tizimini qo‘llab-quvvatlaydi.
Qizig‘i shundaki, xalq tabobatida ham baqlajon xolesterinni pasaytirish va jigar salomatligini saqlash uchun tavsiya etilgan.
Shunday ekan, dasturxonga baqlajondan tayyorlangan salat yoki taom qo‘shish nafaqat mazali, balki sog‘lom tanlov hamdir.
“Zamin”ni Telegramʻda oʻqing!
