Sabzi — har bir o‘zbek xonadonlarining dasturxonida bor sabzavot. Ammo uning ranglari ham turlicha: sariq va qizil. Har ikkalasi ham sog‘liq uchun foydali, ammo ayrim jihatlarda farq qiladi.
Sariq sabzi tarkibida lyutein ko‘p bo‘lib, u ko‘z salomatligi uchun juda muhim. Lyutein ko‘rish qobiliyatini saqlaydi, ko‘zni charchoqdan asraydi va qarilikda ko‘rishning pasayish xavfini kamaytiradi. Shuningdek, sariq sabzi hazm tizimini yengillashtiradi.
Organizmdagi erkin radikallarni kamaytiradi, bu esa rak xavfini pasaytiradi. Ichak faoliyatini tartibga solib, ich qotishining oldini oladi. Tanaga yengillik beradi, diyetik mahsulot sifatida tavsiya etiladi.
Qizil sabzi esa asosan likopin moddasiga boy. Likopin yurak-qon tomir kasalliklaridan himoya qiladi, organizmdagi yallig‘lanishlarni kamaytiradi va terini sog‘lom saqlaydi. Shu bois qizil sabzi ayniqsa yurak va qon aylanishi muammosi bo‘lganlar uchun tavsiya etiladi.
Immunitetni mustahkamlaydi, chunki S vitamini va antioksidantlarga boy. Qon tarkibini tozalaydi va xolesterinni pasaytiradi. Terining yosh va so‘lim ko‘rinishiga yordam beradi. Erkaklarda prostat bezi salomatligini qo‘llab-quvvatlaydi.
Har ikki tur sabzini dasturxonga qo‘shish orqali siz ko‘z, yurak va umumiy salomatlik uchun tabiiy foyda olishingiz mumkin.
“Zamin”ni Telegramʻda oʻqing!
