Myunxen aeroporti dron kuzatilgani sababli yopilganidan so‘ng shanba kuni ertalabdan boshlab parvozlarni qayta tikladi. Aeroport ma’muriyati reyslar 7:00 dan boshlab amalga oshirilayotganini, ammo kun davomida kechikishlar bo‘lishini ma’lum qildi.
24 soat ichida ikkinchi marta uchish-qo‘nish yo‘laklari yopildi. Natijada o‘nlab reyslar bekor qilinib, minglab yo‘lovchilar aeroportda qolib ketdi. Yo‘lovchilarga vaqtinchalik yordam sifatida adyol, yotoq o‘rinlari va ovqat tarqatildi.
So‘nggi haftalarda Yevropada bir necha marta dron ko‘rilishi aviatsiyada katta uzilishlarga sabab bo‘ldi. Ayrim mutasaddilar bunday hodisalarda Rossiya qo‘li bor deb taxmin qilmoqda, biroq bu tasdiqlanmagan.
Germaniya ichki ishlar vaziri Aleksandr Dobrind bunday vaziyatlarni oldini olish uchun politsiyaga harbiy kuchlardan foydalanish imkonini beruvchi qonun loyihasini tezlashtirishini bildirdi.
“Zamin”ni Telegramʻda oʻqing!
