AQSh Senatida hukumat ishini qayta tiklash bo‘yicha ovoz berish muvaffaqiyatsiz tugadi. Demokratlar va respublikachilar kelishuvga erisha olmadi, shuning uchun yopilish kamida dushanbagacha davom etadi.
Prezident Donald Tramp ma’muriyati Chikago metrosi uchun ajratilgan 2,1 milliard dollarni to‘sib qo‘ydi. Shu bilan birga, demokratlar boshqaruvidagi hududlarda jami 28 milliard dollardan ortiq mablag‘ muzlatildi.
Illinois gubernatori J.B. Pritzker bu qarorni tanqid qilib, uni siyosiy bosim deb atadi. Tramp esa boshqa shahar va shtatlarda ham mablag‘larni to‘sib qo‘yishi mumkinligini bildirdi.
Hukumat yopilishi natijasida federal idoralar faoliyati to‘xtab, millionlab xodimlar maoshsiz qolmoqda. Uzoq davom etsa, bu AQSh tarixidagi eng katta yopilishlardan biriga aylanishi mumkin.
“Zamin”ni Telegramʻda oʻqing!
