O‘zbekistonда moped va skuter haydovchilari uchun yangi qoidalar joriy etilmoqda. 2025 yil 1 oktabrdan boshlab, bunday transport vositasini boshqarish uchun haydovchilik guvohnomasi va davlat raqami majburiy bo‘ladi. Bu talablar yo‘llarda xavfsizlikni ta’minlash maqsadida kiritilgani ta’kidlanmoqda.
Qaysi toifadagi “prava” talab qilinadi?
Hozirda O‘zbekistonда skuter haydash uchun asosan A1 toifa guvohnomasi talab qilinadi. Bu toifa 50 sm³gacha bo‘lgan mototsikl va mopedlarni boshqarish huquqini beradi. Agar transport vositasi 50 sm³dan katta bo‘lsa, unda A toifasi olinishi shart.
O‘quv kurslari va o‘qish davomiyligi
A toifali “prava” olish uchun maxsus avtomaktablarda o‘quv kurslari tashkil etilgan. O‘qish odatda 2–3 oy davom etadi. Dastur nazariy mashg‘ulotlar (yo‘l qoidalari, texnik xavfsizlik) va amaliy tajriba (skuterdа harakatlanish)dan iborat.
Narxi va to‘lovlar
Haydovchilik guvohnomasi olish xarajatlari o‘quv markaziga va hududga qarab farq qiladi. O‘rtacha hisobda, skuter haydash uchun A toifali “prava” olish narxi 2,5 – 4 million so‘m atrofida. Ayrim markazlarda qo‘shimcha to‘lov evaziga imtihon oldidan mashg‘ulotlar ham taklif etiladi.
Hujjatlar ro‘yxati
“Prava” olish uchun ariza beruvchilar quyidagi hujjatlarni taqdim etadi:
Shaxsni tasdiqlovchi hujjat (pasport)
Tibbiy ma’lumotnoma
Ariza (o‘quv markazidan olinadi)
Kurs to‘lovini tasdiqlovchi kvitansiya
Barcha imtihonlardan muvaffaqiyatli o‘tgandan keyin, avtomaktab hujjatlarni YHXHga taqdim etadi yoki jarayon Yagona interaktiv davlat xizmatlari portali orqali amalga oshiriladi.
Skuter va ish imkoniyatlari
Skuter haydash ko‘pchilik uchun faqat shaxsiy transport emas, balki qo‘shimcha daromad manbai hamdir. Bugungi kunda kuryerlik xizmatlariga talab yuqori bo‘lib, yoshlar va talabalar skuter yordamida tez va samarali tarzda ish topmoqda.
Restoranlar, onlayn do‘konlar va yetkazib berish xizmatlari skuter haydovchilarini doimiy ravishda ishga qabul qilmoqda. Bu esa o‘ziga xos tarzda erkinlik va moslashuvchan ish imkoniyatini taqdim qiladi.
Xulosa
Skuter haydash uchun “prava” olish — nafaqat qonun talabi, balki shaxsiy xavfsizlik va kelajakdagi ish imkoniyatlarini ham ta’minlaydigan qadam. Shu bois, bu masalaga jiddiy yondashish har bir fuqaroning manfaatiga xizmat qiladi.
“Zamin”ni Telegramʻda oʻqing!
