Inson hayotidagi eng baxtsiz yosh aniqlandi: olimlar tadqiqoti

Yaqinda oʻtkazilgan ilmiy tadqiqot inson hayotidagi eng baxtsiz davrni aniqladi. Dartmut kolleji professori Devid Blanchflauer tomonidan olib borilgan izlanishlar natijasida, aksariyat insonlar oʻz hayotlaridan eng koʻp norozilik bildiruvchi yosh 47,2 yosh ekanligi ma'lum boʻldi.

Tadqiqot tafsilotlari
132 ta mamlakatda oʻtkazilgan tadqiqot shuni koʻrsatdiki, odamlarning hayotdan qoniqish darajasi oilaviy holati, ta'limi yoki kasbiga bogʻliq boʻlmaydi. Deyarli har bir inson 47 yoshida baxtsizlikning eng past choʻqqisiga yetadi.

Nega aynan shu yoshda baxtsizlik kuchayadi?
Olimlar bu davrni koʻpincha “oʻrta yosh inqirozi” bilan bogʻlashadi. Ilgari bu tushuncha faqat afsona deb hisoblangan boʻlsa, endi ilmiy isbot topdi.

Asosiy sabablardan biri sifatida odamlarning oʻz ambitsiyalarini qayta koʻrib chiqishi keltiriladi. Hayotda oʻz oldiga qoʻyilgan maqsadlarning bajarilmaganini anglash bu yoshda ruhiy bosimni oshiradi.

Umid bor!
Ammo bu holat doimiy emas. Tadqiqot natijalari hayotdagi emotsional oʻzgarishlarning U shaklida ekanligini koʻrsatdi. 47 yoshdan keyin baxt darajasi asta-sekin koʻtarilib boradi va inson oʻzini ancha yaxshi his qila boshlaydi.