Namangan viloyati Chortoq tumanida ayol turmush o‘rtog‘ini farzandlari ko‘z o‘ngida pichoqlab o‘ldirdi. Bu haqda “Daryo” nashri xabar berdi.
Ma’lumotlarga ko‘ra, 1989 yilda tug‘ilgan S. 2009 yilda N. ismli erkak bilan turmush qurgan va ularning uch nafar farzandi bor edi.
Biroq vaqt o‘tishi bilan er-xotin o‘rtasida munosabatlar sovuqlashgan. S. Telegram orqali boshqa erkaklar bilan yozishgani aniqlangan. 2025 yil 28 fevral tungi soat 2:30 atrofida eri telefonidagi shubhali xabarlarni ko‘rib qoladi va ayolidan izoh so‘raydi.
Janjal avj olib, bolalar ham uyg‘onib, ularni tinchlantirishga uringan. Biroq er rashk va g‘azab ta’sirida xotinini uydan haydashini va qarindoshlariga bo‘lgan ishni aytmoqchiligini bildirgan.
Ayol esa sharmandalikdan qo‘rqib, g‘azab ichida oshxona pichog‘ini olib, turmush o‘rtog‘ini bir necha marta pichoqlagan. N. ko‘p qon yo‘qotishi oqibatida voqea joyida vafot etgan.
Jinoyat ishlari bo‘yicha Chortoq tuman sudi hukmiga ko‘ra, ayol aybdor deb topilib, Jinoyat kodeksining 97-moddasi 2-qismi “j” bandi asosida 10 yilga ozodlikdan mahrum qilindi.
Hodisa oilaviy zo‘ravonlik va rashk oqibatlarining yana bir fojiali namunasi sifatida muhokamalarga sabab bo‘ldi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
