Prezidentning yangi qarori qabul qilindi

2024 yil 31 dekabr kuni Prezidentning “Mamlakatning ijtimoiy, siyosiy va iqtisodiy rivojlanish sohalaridagi strategik tahlil va tadqiqot qilish faoliyatini samarali tashkil etish chora-tadbirlari toʻgʻrisida”gi qarori (PQ-467-son) qabul qilindi. Qaror mamlakatning strategik rivojlanish yoʻnalishlarini tadqiq qilish va ularni muvofiqlashtirish boʻyicha muhim mexanizmlarni joriy etishga qaratilgan.

Asosiy yoʻnalishlar:
1. Muvofiqlashtiruvchi kengash tashkil etildi.
Bu kengash mamlakatning ijtimoiy, siyosiy va iqtisodiy rivojlanishiga oid strategik tahlillar va tadqiqotlar oʻtkazish boʻyicha ishlarni muvofiqlashtiruvchi maslahat organi hisoblanadi.

2. Muvofiqlashtiruvchi kengashning vazifalari:

• Uzoq muddatli strategik tahliliy hujjatlarni ishlab chiqish.
  
• Ichki va tashqi siyosatga oid takliflarni Prezidentga muntazam taqdim etish.
  
• Ichki va tashqi siyosat sohalarida tadqiqotlarni tashkil qilish va muvofiqlashtirish.
  

3. Faoliyatni boshqarish: Muvofiqlashtiruvchi kengashning umumiy faoliyatini muvofiqlashtirish Prezidentning Maxsus topshiriqlar boʻyicha maslahatchisi tomonidan amalga oshiriladi.

4. Ishchi guruhlar: Quyidagi yoʻnalishlar boʻyicha ishchi guruhlar tashkil etildi:

• Xavfsizlik va ijtimoiy barqarorlik: Mamlakatning barqarorligiga doir masalalar.
  
• Davlat va jamiyat qurilishi: Institutsional islohotlar va boshqaruv tizimi.
  
• Ijtimoiy-iqtisodiy rivojlanish: Iqtisodiyot va ijtimoiy sohadagi islohotlar.
  
• Tashqi siyosat va xalqaro hamkorlik: Xalqaro munosabatlar va diplomatiya.
  
• Hududlarni strategik rejalashtirish va rivojlantirish: Regional rivojlanish strategiyalari.
  
• Ekologik kun tartibi: Iqlim oʻzgarishi va suv taqchilligi kabi global masalalar.
  

Bu qaror mamlakatning uzoq muddatli manfaatlarini ilgari surish va strategik rivojlanishini ta'minlashda muhim qadam boʻlib xizmat qiladi. “Zamin” yangiliklarini “Odnoklassniki”da kuzatib boring